Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 25. nóvember 2021 23:00
Sæbjörn Þór Þórbergsson Steinke
Sveindís fer fögrum orðum um Sif: Ótrúlega þakklát
,,Stýrir mér bara eins og ég væri leikmaður í PlayStation''
Icelandair
Sveindís og Sif
Sveindís og Sif
Mynd: Kristianstad
Gleði þegar það gengur vel að stýra leikmanninum í PlayStation.
Gleði þegar það gengur vel að stýra leikmanninum í PlayStation.
Mynd: Fótbolti.net - Hafliði Breiðfjörð
Hægra megin í liði Íslands í dag voru þær Sif Atladóttir og Sveindís Jane Jónsdóttir. Þær léku saman hjá Kristianstad á tímabilinu en eru báðar farnar frá félaginu.

Sif mun spila á Íslandi á næsta tímabili og Sveindís var á tímabilinu á láni hjá Wolfsburg í Þýskalandi.

Lestu um leikinn: Japan 0 -  2 Ísland

Sveindís sat fyrir svörum á fréttamannafundi í dag og var spurð út í Sif. Hvernig er ykkar samband og er mikið öryggi að hafa hana fyrir aftan sig?

„Það er frábært að hafa hana fyrir aftan mig, hún stýrir mér bara eins og ég væri leikmaður í PlayStation. Ég þarf svona leikmann fyrir aftan mig, það hjálpar mér ótrúlega mikið. Við spiluðum líka saman einn leik þar sem hún var fyrir aftan mig þegar ég var frammi hjá Kristianstad. Í það skiptið gekk líka ótrúlega vel."

„Ég var bara spennt að spila með henni og er ótrúlega þakklát að hafa hana fyrir aftan mig. Það hjálpaði mér mjög mikið í dag,"
sagði Sveindís.

Hefur hún hjálpað þér utan vallar í Svíþjóð?

„Já, hjálpað mér með allt bara," sagði Sveindís og hló. „Hún er frábær manneskja, geggjuð inn á velinum líka og ég er ótrúlega þakklát fyrir að hafa fengið tækifæri til að spila með henni."

Sjá einnig:
Sveindís ánægð með leikinn en skaut á Steina - „Finnst þetta frekar ljótt af honum"
Athugasemdir
banner
banner
banner
banner
banner