Meiðslin eru mikið áfall fyrir Liverpool en Henderson hefur spilað mikið í hjarta varnarinnar að undanförnu þar sem Virgil van Dijk, Joe Gomez og Joel Matip eru allir fjarverandi.

„Þetta eru mjög krefjandi tímar fyrir hópinn af mismunandi ástæðum. Á svona tímum sýnir þú þitt raunverulega andlit og það er það sem þessir strákar gera. Þetta er risa áskorun og ég vil takast á við hana á jákvæðan hátt."

Betri fréttir eru af Diogo Jota, Fabinho og James Milner sem eru allir að koma til baka eftir meiðsli.

„Diogo er búinn að æfa tvsvar með liðinu og líta mjög vel út eftir að hafa verið lengi frá keppni. Fab æfir að nýju með liðinu á morgun og það sama á við um James (Milner)," sagði Klopp.