Daníel Leó Grétarsson í leiknum í kvöld.
„Menn eru ennþá í áfalli. Við ætluðum okkur á EM. Við tökum fund seinna þegar menn eru búnir að ná orðum aftur," sagði miðvörðurinn Daníel Leó Grétarsson eftir 2-1 tap gegn Úkraínu í umspili um sæti á EM 2024 í kvöld.
Lestu um leikinn: Úkraína 2 - 1 Ísland
„Þetta er ekki það sem við ætluðum okkur. Við ætluðum okkur alltaf á EM og það hafðist ekki í dag. Það er erfitt að koma orðum á hlutina."
„Mér fannst við berjast allan tímann og vera með þá ágætlega. Þeir sköpuðu ekki mörg færi á okkur en svo duttu þeirra færi. Við fengum okkar færi."
Þeir lágu á ykkur á köflum?
„Jájá, en mér fannst það alveg vera í lagi. Við hefðum mátt halda aðeins betur í boltann þegar við fengum hann en þeir voru ekki að skapa mikið þegar þeir voru með boltann. Okkur leið ágætlega neðarlega í vörninni og mér fannst við vinna varnarvinnuna ágætlega saman."
„Kannski föllum við of mikið aftarlega og urðum passívir en við vorum allir á sömu blaðsíðu í dag. Þetta er einhver stærsti leikur sem ég hef spilað á ferlinum og það er erfitt að taka þessu."
Hægt er að sjá viðtalið í spilaranum hér að ofan.
Athugasemdir
