Hollenski markvörðurinn, Jasper Cillessen, hefur gengið til liðs við spænska félagið Valencia frá Barcelona.
Sögusagnir eru um að félögin ætli að skipta á markvörðum en Neto mun þá ganga í raðir Barcelona.
Liðin myndu skipta á sléttu en báðir markverðir eru metnir á 30 milljónir evra. Cillessen myndi halda sömu launum á meðan Neto myndi tvöfalda sín laun.
Cillessen er sagður vilja spila fleiri leiki en á þremur árum hjá Barcelona hefur hann einungis komið við sögu í 32 leikjum. 24 þeirra hafa verið í spænsku bikarkeppninni.
Neto gekk í raðir Valencia árið 2017 og hefur verið aðalmarkvörður liðsins síðan þá.
| ✍️ |
— Eleven Sports (@ElevenSports_UK) June 26, 2019
Cillessen signs! The goalkeeper has joined Valencia from Barcelona!#LaLiga
pic.twitter.com/5n39IQqr4i
Athugasemdir