Fotbolti.net
26.07.13 - 16:30
Magnús Már Einarsson

Keflavík og Njarðvík skipta á leikmönnum (Staðfest)

Ásgrímur Rúnarsson.

Ásgrímur Rúnarsson.

Canon

Mynd: Fótbolti.net - J.L.

Keflvíkingar hafa fengið miðjumanninn unga Jón Tómas Rúnarsson í sínar raðir frá Njarðvík.

Jón Tómas er á yngsta ári í öðrum flokki en hann hefur leikið sex leiki með Njarðvíkingum í 2. deildinni í sumar.
Bróðir hans, Ásgrímur Rúnarsson, hefur aftur á móti gengið til liðs við Njarðvík sem og Theodór Guðni Halldórsson.

Ásgrímur var í byrjunarliði Keflavíkur gegn FH um síðustu helgi en það er eini leikur hans með liðinu í sumar.

Theodór Guðni kom einnig við sögu hjá FH en hann og Ásgrímur munu nú leika með Njarðvík á láni út tímabilið.

Keflavík heimsækir KR í Pepsi-deildinni á sunnudag og Jón Tómas er löglegur fyrir þann leik.

Ásgrímur og Theodór geta báðir leikið með Njarðvík þegar liðið heimsækir Dalvík/Reyni á morgun.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.