Miðvörðurinn Virgil van Dijk gæti snúið aftur í lið Liverpool í æfingaleik við Hertha Berlín á fimmtudaginn.
Van Dijk missti af stærstum hluta síðustu leiktíðar vegna erfiðra meiðsla.
Jurgen Klopp, stjóri Liverpool, sagði um síðustu helgi að hann væri ekki að gera ráð fyrir Van Dijk, eða Joe Gomez, í leikinn gegn Hertha en núna segir hann að Van Dijk geti mögulega spilað, og að það styttist í Gomez.
„Ég vona að Virgil geti spilað nokkrar mínútur," sagði Klopp um stöðu mála.
Þetta eru frábær tíðindi fyrir Liverpool enda er Van Dijk besti miðvörður heims þegar hann er heill heilsu.
Athugasemdir
