Fotbolti.net
26.07.22 - 08:00
Ívan Guðjón Baldursson

Blikar fá sænskan markvörð frá Piteå (Staðfest)

Blikar fá sænskan markvörð frá Piteå (Staðfest)
Canon

Mynd: Breiðablik

Kvennaboltinn

Breiðablik er búið að krækja í öflugan markvörð frá Svíþjóð fyrir seinni part sumarsins í Bestu deild kvenna.

Hún heitir Nichole Persson og hefur spilað fyrir Piteå, Djurgården og Brommapojkarna í heimalandinu síðustu þrjú tímabil.

Nichole er 26 ára gömul og tókst ekki að landa byrjunarliðssæti í sænska boltanum en hjá Blikum verður engin samkeppni til að byrja með.

Það er vegna þess að Telma Ívarsdóttir er að glíma við erfið hnémeiðsli og verður frá keppni í einhvern tíma. 

Það verður áhugavert að fylgjast með Nichole í Bestu deildinni og hvort henni takist að hafa betur gegn Telmu í yfirvofandi baráttu um byrjunarliðssætið.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.