Neal Maupay til Everton (Staðfest)
Maupay hefur ekki fengið tækifæri með sterku landsliði Frakklands en var mikilvægur hlekkur upp yngri landsliðin.
Mynd: EPA
Maupay hefur ekki fengið tækifæri með sterku landsliði Frakklands en var mikilvægur hlekkur upp yngri landsliðin.
Mynd: EPA
Everton er búið að festa kaup á franska framherjanum Neal Maupay sem átti aðeins eitt ár eftir af samningi sínum hjá Brighton.
Maupay var eftirsóttur af nokkrum úrvalsdeildarfélögum í sumar, fyrst Nottingham Forest og svo Fulham, en endaði að lokum hjá Frank Lampard og lærlingum hans.
Everton er í basli í framlínunni eftir að Richarlison var seldur í sumar og Dominic Calvert-Lewin meiddist. Salomon Rondon er eini heilbrigði sóknarmaðurinn í leikmannahópinum en nú bætist Maupay við og gæti spilað strax gegn sínum fyrrum liðsfélögum í Brentford á morgun.
Hinn 26 ára gamli Maupay hefur skorað 26 mörk í 102 úrvalsdeildarleikjum með Brighton en Danny Welbeck er búinn að hrifsa byrjunarliðsstöðuna til sín.
Hann skrifar undir þriggja ára samning við Everton, með möguleika á auka ári.
Kantmaðurinn Anthony Gordon hefur verið að leysa stöðu fremsta sóknarmanns af hólmi í fjarveru Calvert-Lewin. Rondon hefur fengið tækifæri en er ekki hátt skrifaður í bókum Lampard.
Premier league - karlar
| # | Lið | L | mun | Stig |
|---|---|---|---|---|
| 1 | Arsenal | 10 | +10 | 27 |
| 2 | Brighton | 10 | +19 | 22 |
| 3 | Man City | 10 | +8 | 21 |
| 4 | Liverpool | 10 | +4 | 18 |
| 5 | Chelsea | 10 | +3 | 16 |
| 6 | Everton | 10 | +2 | 16 |
| 7 | Bournemouth | 10 | +2 | 15 |
| 8 | Brentford | 10 | +5 | 14 |
| 9 | Leeds | 10 | +2 | 14 |
| 10 | Aston Villa | 10 | -3 | 13 |
| 11 | Tottenham | 10 | -1 | 12 |
| 12 | Newcastle | 10 | -3 | 12 |
| 13 | Hull City | 10 | 0 | 11 |
| 14 | Ipswich Town | 10 | -5 | 11 |
| 15 | Fulham | 10 | -2 | 10 |
| 16 | Nott. Forest | 10 | -4 | 9 |
| 17 | Coventry | 10 | -9 | 9 |
| 18 | Man Utd | 10 | -5 | 8 |
| 19 | Sunderland | 10 | -9 | 8 |
| 20 | Crystal Palace | 10 | -14 | 7 |
