Magnús Már Einarsson, þjálfari Aftureldingar var ósáttur með leik sinna manna eftir 3-0 tap gegn Leikni Reykjavík á Domusnova vellinum fyrr í dag.
Afturelding er í 8. sæti með 21 stig í Lengjudeildinni, alveg eins og fyrir leikinn.
Afturelding er í 8. sæti með 21 stig í Lengjudeildinni, alveg eins og fyrir leikinn.
Lestu um leikinn: Leiknir R. 3 - 0 Afturelding
„Við höfum spilað betur í fullt af leikjum í sumar og strákarnir vita það. Þetta var ekki okkar besti leikur, 3-0 er samt svona full mikið miðað við það að við klúðrum vítaspyrnu í lokin og gefum mark.''
„Leiknisliðið er mjög gott og átti sigurinn skilið, mjög gott lið með öfluga sóknarlínu sem refsaði okkur í dag.''
Hvað klikkaði hjá lærisveinum Magga?
„Bara einbeitingarleysi og klikkuðum á varnarleiknum á örlagaríkum augnablikum, það var ekkert í gangi í leiknum í fyrri hálfleik, bara 50/50 leikur í fyrri hálfleik og við klikkum í einu momenti og þeir skora, það er bara dýrt.''
Viðtalið í heild sinni má sjá í spilaranum hér að ofan en þar ræðir Maggi betur um leikinn, stöðuna á leikmannahópnum og umdeildan dóm þar sem Afturelding vildi fá rautt spjald á Dag Austmann.
