Elías Már Ómarsson er búinn að finna skotskóna aftur og skoraði hann í fjórða leik Excelsior í röð er liðið rúllaði yfir Helmond í hollenska bikarnum í dag.

Elías Már skoraði tvennu í 4-0 sigri og er Excelsior komið í 32-liða úrslit bikarsins.

Elías hefur verið í fantaformi á tímabilinu og er kominn með 10 mörk í 9 leikjum í hollensku B-deildinni.

Elías er 25 ára gamall og gerði 8 mörk í 25 leikjum á sínu eina tímabili í efstu deild í Hollandi. Þar áður gerði hann 8 mörk í 12 leikjum með Göteborg í sænsku deildinni.