Aron Sigurðarson var á skotskónum fyrir Horsens þegar liðið tapaði á gríðarlega svekkjandi máta gegn úrvalsdeildarfélagi Vejle í dönsku bikarkeppninni.
Aron kom Horsens yfir á þriðju mínútu leiksins. Hans fjórða mark í þremur leikjum í bikarnum.
Það mark virtist ætla að duga til sigurs. Staðan var enn 1-0 á 90. mínútu, en á þriðju mínútu uppbótartímans kom jöfnunarmarkið hjá Vejle.
Því var farið í framlengingu og þar voru gestirnir sterkari. Þeir unnu að lokum 1-3 sigur.
Gífurlega svekkjandi fyrir Horsens, sem er í fimmta sæti B-deildarinnar í Danmörku. Aron spilaði allan leikinn og kom Ágúst Hlynsson inn á sem varamaður fyrir Horsens á 82. mínútu.
Athugasemdir