Pochettino að missa starfið? - Man Utd tilbúið að losa sig við Antony og fleiri - Mörg lið berjast um Palhinha - De Bruyne vill MLS frekar en...
Ingibjörg: Hafði alltaf trú
Telma: Vissi að við kæmum brjálaðar til baka
Sveindís: Lofaði að bæta upp fyrir það og fannst ég gera það
Glódís: Við sem leikmenn, þjóðin og KSÍ þurfum öll að stíga upp
„Búin að fá einhverja Twitter-kalla á sig en gerir okkur að sterkara liði"
Steini: Allt í lagi á meðan maður fær ekki slag
Alexandra í skýjunum: Það væri galið að setja hann ekki í svæðið
Hildur: Í augnablikinu vissi ég ekki að það kæmi mark úr því
Fyrsta landsliðsmarkið kom á besta tíma - „Ólýsanleg tilfinning"
Gunnhildur: Ætlað mér að vera styrktarþjálfari í svona tíu ár
Sædís: Þurfum að vera rólegri á boltanum og þora
Hefði frekar verið til í Valsvöllinn - „Eitthvað sem ég þarf að laga fyrir næsta leik"
Guðrún: Það voru Blikalög í rútunni á leiðinni og allir pepp
Alexandra: Er svo hógvær að ég segi að þetta sé sjálfsmark
Þrumuræða Þorvaldar gerði útslagið: Fyrst og fremst tilfinningar frá mér
Sveindís beðið lengi - „Erfitt að segja hvenær maður kæmist aftur í fótbolta"
Steini: Svona atriði sem skipta gríðarlega miklu máli
Telma: Það var kannski smá mikið að gera á köflum
Olla: Pirrandi og svekkjandi að ná ekki að nýta að vera manni fleiri
Tveir í Serbíu með 'Antonsdóttir' á bakinu - „Mjög gaman að sjá þá"
   fim 26. október 2023 20:02
Sæbjörn Þór Þórbergsson Steinke
Dóri Árna: Gríðarlega súrt - Hann er stórhættulegur
Halldór Árnason.
Halldór Árnason.
Mynd: Fótbolti.net - Hafliði Breiðfjörð
Malick Fofana á sprettinum.
Malick Fofana á sprettinum.
Mynd: EPA
Auðvitað söknuðum við Lexa.
Auðvitað söknuðum við Lexa.
Mynd: Fótbolti.net - Hafliði Breiðfjörð
„Það er ýmislegt sem fer úrskeiðis. Þetta er í fyrsta lagi ofboðslega gott lið, gríðarleg gæði í þeirra liði. Mér fannst við byrja leikinn ágætlega, fáum tvö göð færi til að komast yfir áður en þeir skora úr horni sem var eiginlega þeirra fyrsta tækifæri. Ofboðslega súrt mark að fá á sig; 'soft' mark úr föstu leikatriði sem brýtur ísinn" sagði Halldór Árnason, þjálfari Breiðabliks, eftir leikinn gegn Gent í Sambandsdeildinni.

Lestu um leikinn: Gent 5 -  0 Breiðablik

Gent bætti við tveimur mörkum fljótlega og svo fjórða markinu áður en hálfleikurinn var úti. „Við vorum ágætlega undir það búnir hvernig þeir spila. Þeir spila með tvo framherja og svo 'tíu' sem vinna þannig að einn býður sig og hinir hlaupa á bakvið. Þeir dældu boltum aftur fyrir línuna okkar í dag, í 90% tilvika gerðum við ágætlega en í fjögur skipti sem það klikkar þá eru gæðin slík að þeir refsa."

„Sóknarlega fannst mér við gera á köflum ágætlega, komumst í góðar stöður. En það vantaði lokahnykkinn á sóknirnar okkar. Við þurfum að vera miklu beinskeyttari í þessum stöðum, eins og þeir voru."

„Þeir voru örlítið meira með boltann. Gæðamunurinn liggur í að þeir nýta færin sín hrikalega vel. Mér finnst eiginlega ótrúlegt að við höfum ekki náð að skora í þessum leik. Gríðarlega súrt að fá á sig fimm mörk, það var auðvitað ekki uppleggið eða planið."


Dóri var spurður út í fyrsta markið, mark úr hornspyrnu. „Ég átta mig ekki á því hvað fer úrskeiðis. Þetta er sama horn og þeir hafa alltaf tekið, við erum í maður á mann dekkningu með tvo lausa (til að hjálpa). Af einhverjum ástæðum þá endar hann einn á fjær. Ég þarf að skoða þetta betur. Mjög súrt að fá svona mark á sig."

Þetta var fyrsti keppnisleikur Breiðabliks undir stjórn Dóra. Hvernig var upplifunin á hliðarlínunni? „Það var fiðringur fyrir leik en um leið og leikurinn byrjar þá er það búið og maður blokkerar allt utanaðkomandi. Þetta er reynsla og mikill lærdómur sem við tökum út úr þessu."

Stórhættulegur leikmaður
Malick Fofana var fyrir aftan tvo fremstu menn í leiknum og náði að valda Blikum miklum usla. Kom hans staðsetning á óvart?

„Hann hefur yfirleitt verið út á væng eða annar af tveimur framherjum. Hann var alltaf fyrir neðan senterana tvo og hékk úti annað hvort hægra eða vinstra megin. Þeir náðu að yfirmanna aðra hvora hliðina þannig að Oliver lenti svolítið mitt á milli í fyrri hálfleik. Hann er frábær leikmaður, stórhættulegur."

Alexander átti að byrja
Alexander Helgi Sigurðarson var ekki með vegna veikinda í dag. Var planið að hann myndi byrja?

„Alexander átti að byrja. Oliver að koma upp úr meiðslum, stóð sig vel og gerði vel í krefjandi aðstæðum. Oliver stóð sig vel, en auðvitað söknuðum við Lexa, erum samt ekkert að pæla í því meira," sagði Dóri.

Viðtalið í heild má sjá í spilaranum neðst.
Athugasemdir
banner
banner
banner