Fotbolti.net
26.11.15 - 11:01
Magnús Már Einarsson

Kristinn Jónsson til Sarpsborg (Staðfest)

Kristinn Jónsson til Sarpsborg (Staðfest)
Canon

Mynd: Fótbolti.net

Vinstri bakvörðurinn Kristinn Jónsson hefur gengið til liðs við norska félagið Sarpsborg 08 frá Breiðabliki.

Kristinn skrifaði undir tveggja ára samning við Sarpsborg en liðið endaði í 11. sæti í norsku úrvalsdeildinni á síðasta tímabili.

Hinn 25 ára gamli Kristinn var frábær með Blikum á síðasta tímabili en hann var valinn í lið ársins hjá Fótbolta.net.
„Það verður mikil blóðtaka fyrir Blikaliðið að missa Kristinn enda var einn besti leikmaður Pepsí-deildarinnar síðasta sumar,\" segir á Blikar.is.

Kristinn fékk reynslu í atvinnumennsku sumarið 2014 þegar hann spilaði með Brommapojkarna í Svíþjóð og hann ætlar nú að reyna fyrir sér í Noregi.

Kristinn hefur verið viðloðandi íslenska landsliðshópinn og er að berjast um sæti í 23-manna hópnum fyrir EM í Frakklandi næsta sumar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.