Liam er einn harðasti stuðningsmaður Manchester City og var greinilega kominn í erfiðan gír.

Reglulega lætur hann út úr sér misgáfaða hluti á samfélagsmiðlum en honum tókst að pirra fjölmarga stuðningsmenn Liverpool á meðan leik stóð.

Talaði hann sérstaklega um samskipti Darwin Nunez og Pep Guardiola eftir leik, þar sem þeir tveir rifust.

„Pep, skallaðu þennan barnaníðing með hársnúðinn,“ skrifaði Liam meðal annars og bætti hann einnig við að Man City hefði átt vinna leikinn 10-1.

Þá virtist hann vera í þeim gírnum að semja nýtt lag og gerði söngva um Klopp og Liverpool.