banner
   mán 27. janúar 2020 14:30
Elvar Geir Magnússon
Ronaldinho heldur ekki vatni yfir Martinelli
Gabriel Martinelli.
Gabriel Martinelli.
Mynd: Getty Images
Ronaldinho hefur gríðarlega trú á Gabriel Martinelli, sóknarleikmanni Arsenal. Hann telur að þessi brasilíski táningur gæti orðið einn sá besti í heiminum.

„Við Brasilíumenn erum mjög spenntir yfir honum og hans framtíð. Það er eitt að hafa hæfileikana en annað að vera með þetta sjálfstraust 18 ára," segir Ronaldinho sem var magnaður leikmaður á sínum tíma.

„Hann minnir mig á Ronaldo á hans fyrsta tímabili í Evrópu. Hann óttast ekkert, sama hver andstæðingurinn er. Hann vill bara fá boltann og skora mörk."

„Ronaldo varð besti leikmaður heims og Martinelli gæti stefnt á það sama."

Martinelli er fyrsti táningur hjá Arsenal til að skora tíu mörk í öllum keppnum síðan Nicolas Anelka náði því. Þessi spennandi leikmaður verður í eldlínunni með Arsenal gegn Bournemouth í bikarleik í kvöld.
Athugasemdir
banner
banner
banner