Þór Akureyri lék sér að Völsungi þegar liðin áttust við í Kjarnafæðismóti karla í kvöld.

Ólafur Aron Pétursson og Jóhann Helgi Hannesson voru á skotskónum fyrir Þórsara í fyrri hálfleiknum og var staðan 2-0 í hálfleik fyrir Þór.

Það gekk enn betur hjá Þór í seinni hálfleiknum og tókst þeim að skora fimm mörk til viðbótar. Lokatölur 7-0 fyrir Þórsara, sem leika í Lengjudeildinni. Sigurður Marinó Kristjánsson og Jakob Snær Árnason skoruðu báðir tvennu fyrir Þór í seinni hálfleik. Ásgeir Marinó Baldvinsson var einnig á skotskónum.

Þór er búið að vinna báða leiki sína í mótinu til þessa með markatölunni 7-0. Leikirnir hafa verið gegn Magna og Völsungi, sem leika í 2. deild næsta sumar. Leikurinn í kvöld var fyrsti leikur Völsungs í mótinu.