Eitt mark dugði Aston Villa til sigurs á útivelli gegn Leeds í kvöld. Markið kom strax á 5. mínútu og var það Anwar El Ghazi sem skoraði eftir undirbúning Ollie Watkins.

Leeds hélt boltanum 70% af leiktímanum í dag en það dugði einungis til að ná þremur skotum á mark andstæðinganna.

Þetta var fyrsti sigur Aston Villa frá sigrinum gegn Arsenal í byrjun mánaðar og tapið það þriðja í síðustu fjórum leikjum hjá Leeds.

Aston Villa er í 8. sæti með 39 stig en Leeds er með 35 stig í 10. sæti. Aston Villa á tvo leiki til góða.