Ellert Hreinsson skoraði þrennu þegar Augnablik vann 4-0 sigur á Tindastóli í B-deild Lengjubikarsins í kvöld. Liðin leika í riðli 3 og var leikið í Fífunni.

Mörkin komu öll í seinni hálfleik og kom það fyrsta úr vítaspyrnu. Ellert skoraði fyrstu þrjú mörkin en Brynjar Óli Bjarnason innsiglaði sigurinn á 85. mínútu með lokamarki leiksins.

Bæði lið töpuðu sínum leik í 1. umferð riðilsins og því er Augnablik nú með þrjú stig og Stólar áfram án stiga.