Dregið í 16-liða úrslit Meistaradeildarinnar

Þeir félagar og meistarar eru byrjaðir að hræra hressilega í pottunum.

Rui Patrício fyrrum landsliðsmarkvörður Portúgals aðstoðar við dráttinn. Hann vann Sambandsdeildina með Roma fyrsta árið sem keppnin var haldin.

Meistaradeildin:
Manchester City - Real Madrid
Sporting Lissabon - Bodö/Glimt
Chelsea - PSG
Barcelona - Newcastle
Liverpool - Galatasaray
Bayern München - Atalanta
Arsenal - Bayer Leverkusen
Tottenham - Atletico Madrid

Evrópudeildin:
Freiburg - Genk
Roma - Bologna
Braga - Ferencvaros
Porto - Stuttgart
Real Betis - Panathinaikos
Nottingham Forest - Midtjylland
Lille - Aston Villa
Lyon - Celta Vigo

Leikirnir í 16-liða úrslitum verða spilaðir 12. mars og 19. mars. Keppninni lýkur með úrslitaleik í Leipzig 27. maí.

- Albert Guðmundsson með Fiorentina
- Logi Tómasson með Samsunspor
- Gísli Gottskálk Þórðarson með Lech Poznan

Strasbourg eða Rakow Czestochowa gegn Rijeka eða Fiorentina

AEK Aþena eða Sparta Prag gegn AZ Alkmaar eða NK Celje

Rayo Vallecano eða Shakhtar Donetsk gegn Samsunspor eða Lech Poznan

Mainz eða AEK Larnaca gegn Crystal Palace eða Sigma Olomouc

Landsliðsmennirnir Elías Rafn Ólafsson og Hákon Arnar Haraldsson munu báðir etja kappi við enskt úrvalsdeildarlið.

Elías mun standa vaktina í marki Midtjylland gegn Nottingham Forest. Liðin mættust í Skírisskógi í deildarkeppninni og þar vann danska liðið 3-2 útisigur.

Hákon og félagar í Lille mæta Aston Villa og þá drógust Sverrir Ingi Ingason og félagar í Panathinaikos gegn Real Betis. Meðal annarra leikja í 16-liða úrslitum er ítalskur slagur milli Roma og Bologna.

   27.02.2026 12:25

Evrópudeildin: Elías og Hákon mæta enskum úrvalsdeildarliðum

Sambandsdeildin næst á dagskrá 13:00.

Jæja þeir félagar Maniche og Marchetti eru byrjaðir að hræra í pottunum, nú fara hlutirnir að gerast.

Som 13-14-årig stod Elias Olafsson ved en skillevej mellem volleyball og fodbold – og valgte sidstnævnte.

Hør om den islandske keepers opvækst i Kópavogur syd for Reykjavik i et nyt afsnit af "How it Began" ???????? pic.twitter.com/OEvzDw4e6W

— FC Midtjylland (@fcmidtjylland) February 25, 2026

Elías landsliðsmarkvörðurinn okkar í spjalli við fjölmiðladeild danska félagsins Midtjylland.

Portúgalinn Maniche aðstoðar Marchetti við dráttinn. Hann vann UEFA Cup 2003 og Meistaradeildina ári síðar með Porto. Hann er ekki sleipur á svellinu þegar kemur að ensku, mjög hikandi, en lítur vel út.

Já og ef þið voruð að pæla í því þá eru Marchetti og Claudio Ranieri vissulega tvífarar.

Athöfnin er farin af stað og eins og áðan er það kóngurinn Giorgio Marchetti sem sér um að allt fari vel og rétt fram. Í þessum skrifuðu orðum er verið að kynna liðin sem eru í pottunum með dramatísku myndbandi. Gæsahúð... eða svona allt að því.

????????#UELdraw pic.twitter.com/WjS5292cx8

— UEFA Europa League (@EuropaLeague) February 27, 2026

Miðað við Meistaradeildardráttinn þá verður byrjað að draga sirka 12:14!

Hægt er að horfa á dráttinn með því að smella hérna

Í lista mínum yfir leiki í frétt um 16-liða úrslita Meistaradeildarinnar gleymdist leikur Tottenham og Atletico Madrid. Tottenham samfélagið liggur á hliðinni og ég bið það afsökunar (sérstaklega Munda). Það er búið að bæta þeirri viðureign.

Ég mun horfa!

Leikirnir í 16-liða úrslitum Evrópudeildarinnar verða spilaðir 12. mars og 19. mars. Keppninni lýkur svo með úrslitaleik 20. á Besiktas vellinum í Istanbúl.

- Hákon Arnar Haraldsson er lykilmaður hjá Lille
- Elías Rafn Ólafsson ver mark Midtjylland
- Sverrir Ingi Ingason er í vörn Panathinaikos

Við eigum svar við því

Lyon eða Aston Villa mæta Lille eða Celta Vigo

FC Midtjylland eða Real Betis mæta Panathinaikos eða Nottingham Forest

Porto eða Braga mæta Ferencvaros eða Stuttgart

Freiburg eða AS Roma mæta Bologna eða Genk

Fyrsta viðureignin sem kom upp úr pottunum er heldur betur safarík. Manchester City mætir raðsigurvegurunum í Real Madrid.

Ríkjandi Evrópumeistarar í Paris Saint-Germain mæta Chelsea. Newcastle fær einnig erfitt verkefni og heimsækir Barcelona. Tottenham mætir Atletico Madrid.

Arsenal, sem vann deildarkeppnina, mætir þýska liðinu Bayer Leverkusen.

Evrópuævintýri frænda okkar í Bodö/Glimt heldur áfram í Lissabon, Liverpool fer til Istanbúl og mætir Galatasaray og Bayern München mætir fulltrúum Ítalíu í Atalanta.

Spennandi viðureignir framundan, en þessari lýsingu er ekki lokið. Við munum á eftir fylgjast með drættinum í Evrópudeildina og Sambandsdeildina. 12:00 og 13:00.

Marchetti mætir til að hjálpa.

Spenna í loftinu.

Mínir menn hjá UEFA eru að valda mér vonbrigðum. Vonir mínar um að fá töframann voru kannski frekar veikar en mér sýnist við ekki einu sinni fá dansatriði.

Drátturinn er handan við hornið!

Var magnaður leikmaður. Lék 106 landsleiki fyrir Króatíu og nokkra eftirminnilega gegn Íslandi. Vann Meistaradeildina með Barcelona og Evrópudeildina tvisvar með Sevilla. Ég er aðdándi.

Giorgio Marchetti er mættur í UEFA jakkafötunum sínum, glæsilegur að vanda. Fulltrúar Bodö/Glimt komu í mynd. Heldur betur ævintýri hjá norska liðinu í Evrópu. Liðið sló út Inter í umspilinu eftir að hafa unnið Manchester City og Atletico Madrid í deildarkeppninni.

The Champions League ™?#UCL pic.twitter.com/EZXRWZoYrx

— UEFA Champions League (@ChampionsLeague) February 27, 2026

Það verður að sjálfsögðu Giorgio Marchetti, hinn ítalski Birkir Sveins, sem mun sjá um að draga. Bestur í Evrópu að draga og aðeins einu sinni hefur dráttur mislukkast hjá honum. Athöfnin verður í höfuðstöðvum UEFA í Nyon í Sviss.

Geta lið frá sama landi mæst?
Já. Lið sem mættust í deildarkeppninni geta líka mæst aftur.

Eru janúarkaupin með?
Já. Leikmenn sem voru keyptir í janúarglugganum geta verið skráðir til leiks eftir deildarkeppnina.

Hvenær verða 16-liða úrslitin?
Leikirnir í 16-liða úrslitum verða spilaðir 10/11. mars og 17/18. mars.

Ef við skoðum möguleika ensku liðanna þá getur Arsenal dregist gegn Bayer Leverkusen eða Atalanta.

Atletico Madrid og Galatasaray eru örugg með enska mótherja. Annað liðið mun fá Liverpool en hitt Tottenham.

Möguleiki er á enskum slag en Chelsea gæti mætt Newcastle. Chelsea á einnig möguleika á að fá PSG og Newcastle gæti fengið Barcelona.

Manchester City getur mætt Real Madrid eða fengið tækifæri til að hefna sín á Bodö/Glimt.

Margir þekkja leiðina til Búdapest, enginn betur en Mix vinur minn, en í þeirri skemmtilegu borg verður úrslitaleikur Meistaradeildarinnar þetta árið.

Viktor Orbán tekur á móti flestum opnum örmum á Puskás Aréna þann 30. maí. Sextán lið sem eiga enn drauma um að fara til Búdapest.