Liverpool hefur verið að fylgjast með Ferran Torres, tvítugum leikmanni Valencia.
Liverpool er þó meðvitað um að La Liga risarnir Real Madrid og Barcelona hafa áhuga á leikmanninum og það flækir málin.
Liverpool er þó meðvitað um að La Liga risarnir Real Madrid og Barcelona hafa áhuga á leikmanninum og það flækir málin.
Torres er fjölhæfur sóknarleikmaður sem getur spilað á báðum vængjum en er líka sterkur í loftinu og getur spilað miðsvæðis.
Hann hefur átt flott tímabil með Vaelncia og sýnt gæði sín í Meistaradeildinni þar sem hann er með tvö mörk og tvær stoðsendingar í fimm byrjunarliðsleikjum.
Torres leikur fyrir U21 landslið Spánar.
Hann varð tvítugir í lok febrúar og er fastamaður í byrjunarliði Valencia. Hann hefur spilað næstum 90 leiki fyrir félagið síðan hann lék sinn fyrsta leik 17 ára gamall.
Hann er einn mest spennandi ungi leikmaðurinn í La Liga og ljóst að mörg félög eru áhugasöm.
Valencia vonast til að fá Torres til að skrifa undir nýjan samning sem er með riftunarákvæði upp á 90 milljónir evra.
Núgildandi samningur hans rennur út 2021 og það gæti ýtt Valencia út í að selja hann í sumar. Auk spænsku risana og Liverpool er líklegt að Manchester City og Juventus reyni að fá leikmanninn.
Njósnarar Liverpool hafa horft á hann í mörgum leikjum, bæði með Valencia og spænska U21 landsliðinu.
Athugasemdir