Byrjunarlið Fram og ÍBV: Byrjar sinn fyrsta leik í Bestu

Rúnar Kristinsson, þjálfari Fram, gerir eina breytingu á sínu liði frá tapinu gegn Þór á Akureyri. Fred Saraiva kemur inn á miðsvæðið fyrir Frey Sigurðsson sem sest á bekkinn. Fred kom inn á í hálfleik gegn Þór og olli talsverðum usla.

Aleksandar Linta, þjálfari ÍBV, snýr til baka úr leikbanni og hann gerir þrjár breytingar frá tapinu stóra gegn KR. Sesar Örn Harðarson (2006) kemur inn ásamt þeim Milan Jezdemirovic og Róberti Elís Hlynssyni. Sesar kom inn á gegn KR og skoraði seinna mark ÍBV í leiknum. Sesar byrjar í dag sinn fyrsta leik í Bestu deildinni en hann kom frá Selfossi í vetur. Róbert er lánsmaður frá KR og var því ekki með í síðasta leik. Þeir Arnar Breki Gunnarsson, Vicente Valor og Pisco taka sér sæti á bekknum. Það vekur athygli að serbneski framherjinn Filip Stuparevic er ekki í hóp og Emil Gautason (2010) kemur inn á bekkinn.