Harry Maguire talar vel um Carrick
Varnarmaðurinn Harry Maguire ljómaði allur eftir 2-1 sigur Manchester United á Brentford í kvöld, en hann segir að MIchael Carrick hafi komið með ferska vinda og átt stóran þátt í að koma liðinu upp töfluna.
Carrick tók við keflinu af Ruben Amorim sem var rekinn í byrjun árs, en síðan þá hefur United-liðið verið á eldi og er nú aðeins einum sigri frá því að tryggja Meistaradeildarsæti.
Maguire hrósaði Carrick í hástert fyrir það sem hann hefur gert á stuttum tíma og virðist styðja það að hann taki við liðinu til frambúðar.
„Úrslitin hjálpa rosalega mikið til við þá tilfinningu. Við fengum tvo erfiða leiki þegar Michael tók fyrst við og ég held að allir hafi horft á þá leiki og hugsað: 'Ó, nei', gegn Arsenal og Man City, en við náðum í sex stig þar.“
„Allir höfðu trú á þessu og við þjöppuðum okkur saman. Við fundum sjálfstraustið og vitum að við getum skorað mörkin úr hvaða stöðu sem er. Mér finnst við enn geta bætt okkur í þessu leikkerfi og unnið sem varnarlína, fært okkur hraðar yfir völlinn eins og við áttum að gera.“
„Úrslitin tala sínu máli síðan stjórinn kom inn og síðan hann breytti leikkerfinu. Við erum að ná í úrslit, en áður þegar Ruben var hér voru leikirnir 50-50, en við enduðum samt alltaf á því að tapa.“
„Þetta virðist hafa snúist við þar sem við erum betri í báðum teigum, verjum okkar teig betur og erum skilvirkir hinum megin á vellinum,“ sagði Maguire.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 34 | 22 | 7 | 5 | 64 | 26 | +38 | 73 |
| 2 | Man City | 33 | 21 | 7 | 5 | 66 | 29 | +37 | 70 |
| 3 | Man Utd | 34 | 17 | 10 | 7 | 60 | 46 | +14 | 61 |
| 4 | Liverpool | 34 | 17 | 7 | 10 | 57 | 44 | +13 | 58 |
| 5 | Aston Villa | 34 | 17 | 7 | 10 | 47 | 42 | +5 | 58 |
| 6 | Brighton | 34 | 13 | 11 | 10 | 48 | 39 | +9 | 50 |
| 7 | Bournemouth | 34 | 11 | 16 | 7 | 52 | 52 | 0 | 49 |
| 8 | Chelsea | 34 | 13 | 9 | 12 | 53 | 45 | +8 | 48 |
| 9 | Brentford | 34 | 13 | 9 | 12 | 49 | 46 | +3 | 48 |
| 10 | Fulham | 34 | 14 | 6 | 14 | 44 | 46 | -2 | 48 |
| 11 | Everton | 34 | 13 | 8 | 13 | 41 | 41 | 0 | 47 |
| 12 | Sunderland | 34 | 12 | 10 | 12 | 36 | 45 | -9 | 46 |
| 13 | Crystal Palace | 33 | 11 | 10 | 12 | 36 | 39 | -3 | 43 |
| 14 | Newcastle | 34 | 12 | 6 | 16 | 46 | 50 | -4 | 42 |
| 15 | Leeds | 34 | 9 | 13 | 12 | 44 | 51 | -7 | 40 |
| 16 | Nott. Forest | 34 | 10 | 9 | 15 | 41 | 45 | -4 | 39 |
| 17 | West Ham | 34 | 9 | 9 | 16 | 42 | 58 | -16 | 36 |
| 18 | Tottenham | 34 | 8 | 10 | 16 | 43 | 53 | -10 | 34 |
| 19 | Burnley | 34 | 4 | 8 | 22 | 34 | 68 | -34 | 20 |
| 20 | Wolves | 34 | 3 | 8 | 23 | 24 | 62 | -38 | 17 |
