Heimild: Mirror
Stefnt er á að hefja ensku úrvalsdeildina aftur í júní og eru lið byrjuð að æfa aftur með snertingum.
Það verður spilað fyrir luktum dyrum eins og í þýsku úrvalsdeildinni, en ekkert hefur verið spilað í ensku úrvalsdeildinni frá því í mars vegna kórónuveirunnar.
Gera má ráð fyrir því að það verði spilað þétt, en samkvæmt Mirror þá vonast rétthafar til þess að hægt verði að sýna fimm leiki á laugardögum og sunnudögum, ásamt tveimur kvöldleikjum á þriðjudögum og miðvikudögum.
Haldið er fram að um helgar þá verði leikir í sjónvarpinu frá klukkan tólf til átta að kvöldi til, en það yrði þá klukkan ellefu til sjö að kvöldi til á íslenskum tíma.
Það á enn eftir að spila 92 leiki í ensku úrvalsdeildinni, en rætt verður nánar um leikjafyrirkomulag á fundi á morgun.
Athugasemdir