Chelsea hefur fengið leyfi frá Leicester City til að ræða við ítalska stjórann Enzo Maresca. David Ornsteinn, einn áreiðanlegasti blaðamaður Englands, greinir frá þessu á Athletic.
Hlutirnir hafa gengið hratt fyrir sig hjá Lundúnafélaginu. Fyrir helgi var Mauricio Pochettino látinn taka poka sinn eftir tæpt ár í starfi og er nú möguleiki á því að Maresca verði ráðinn viku síðar.
Maresca stýrði Leicester aftur upp í ensku úrvalsdeildina á fyrsta tímabili sínu sem stjóri félagsins.
Ítalinn kemur úr Pep Guardiola-skólanum, en hann var áður aðstoðarmaður hans hjá Manchester City.
Eftir að Pochettino var látinn fara sagði Chelsea að félagið væri í leit að ungum þjálfara og varð Maresca fyrir valinu.
Chelsea hefur fengið leyfi frá Leicester til að ræða við Maresca og er búist við að það náist samkomulagi á næstu dögum. Ítalinn mun vilja fá nokkra úr þjálfaraliði sínu hjá Leicester.
Hann fær að minnsta kosti fimm ára samning hjá Chelsea.
???? Leicester City give Chelsea formal permission to talk with Enzo Maresca for head coach vacancy. 44yo expected to agree contract of minimum 5 years. #LCFC will receive compensation from #CFC + appointment expected to be completed this week @TheAthleticFC https://t.co/rctT4UBjgY
— David Ornstein (@David_Ornstein) May 27, 2024
Athugasemdir
