Byrjunarliðin eru klár í Evrópu-slag dagsins þar sem KR og Fylkir mætast á Meistaravöllum í Vesturbænum. Liðin eru í harðri baráttu um Evrópusæti í Pepsi Max deildinni en KR situr í 5. sæti með 24 stig, Fylkir er hinsvegar í 4. sætinu með 25 stig. KR á þó tvo leiki til góða á Fylkismenn.

Pálmi Rafn og Óskar Örn byrja á varamannabekk KR, Arnþór Ingi kemur aftur inn í liðið eftir leikbann og Hjalti Sigurðsson fær einnig sæti í byrjunarliði KR.

Óli Skúla vermir varamannabekk gestanna en Orri Hrafn, Nikulás Val og Sam Hewson sjá um að spila á miðjunni hjá Fylki í dag. Arnór Borg byrjar frammi en Hákon Ingi og Arnór Gauti Ragnarsson eru á bekknum.

Smelltu hér til að fara í beina textalýsingu frá leiknum.