Það hefur verið mikið fjaðrafok í kringum Osimhen og Napoli síðasta sólarhringinn og skiljanlega kannski.

Napoli gerði grín að Osimhen á samfélagsmiðlinum TikTok fyrir að hafa klúðrað vítaspyrnu gegn Bologna og var þá annað enn furðulegra myndband sem fór í dreifingu þar sem kókoshnetur komu við sögu.

Osimhen er ósáttur og lítur á þetta sem vanvirðingu við hann, sem átti stóran þátt í að tryggja Napoli titilinn á síðasta tímabili. Osimhen er að íhuga kæra Napoli og var því eðlilega óþægileg stemning þegar hann mætti til móts við hópinn.

Fyrir leikinn var það bersýnilegt að hann væri ósáttur að vera í hópnum, en hann gerði sitt. Osimhen annað markið eftir sendingu Matteo Politano og var síðan skipt af velli í síðari hálfleik.

Kvicha Kvaratskhelia, Piotr Zielinski og Giovanni Simeone komust einnig á blað, en Napoli er í 5. sæti með 11 stig.

Inter tapaði fyrsta leik sínum á tímabilinu er Sassuolo kom í heimsókn á Giuseppe Meazza (San Síró)-leikvanginn í Mílanó.

Sassuolo vann óvæntan sigur á Juventus í síðustu umferð og fylgdi honum vel á eftir. Domenico Berardi skoraði sigurmark Sassuolo þegar hálftími var eftir, en Inter er áfram á toppnum með 15 stig á meðan Sassuolo er í 8. sæti með 9 stig.

Lazio hafði betur gegn Torino, 2-0. Matias Vecino og Mattia Zaccagni gerðu mörk heimamanna. Þetta var aðeins annar sigur Lazio á tímabilinu.

Inter 1 - 2 Sassuolo
1-0 Denzel Dumfries ('45 )
1-1 Nedim Bajrami ('54 )
1-2 Domenico Berardi ('63 )

Lazio 2 - 0 Torino
1-0 Matias Vecino ('56 )
2-0 Mattia Zaccagni ('75 )

Napoli 4 - 1 Udinese
1-0 Piotr Zielinski ('19 , víti)
2-0 Victor Osimhen ('39 )
3-0 Khvicha Kvaratskhelia ('74 )
3-1 Lazar Samardzic ('80 )
4-1 Giovanni Simeone ('81 )