Fotbolti.net
28.02.22 - 17:52
Elvar Geir Magnússon

FIFA og UEFA banna rússnesk lið (Staðfest)

Gianni Infantino forseti FIFA og Vladimír Pútín forseti Rússlands. Myndin var tekin 2019.

Gianni Infantino forseti FIFA og Vladimír Pútín forseti Rússlands. Myndin var tekin 2019.

Canon

Mynd: Getty Images

Alþjóða fótboltasambandið FIFA og evrópska sambandið UEFA hafa sett Rússland í bann þar til annað verður ákveðið. Landslið og félagslið frá landinu eru bönnuð frá öllum keppnum.

Alþjóðlega Ólympíunefndin mælti með því í dag íþróttamenn frá Rússlandi og Hvíta-Rússlandi yrðu bannaðir frá alþjóðlegum íþróttakeppnum.

Þetta var ákveðið eftir að Rússland, með stuðningi frá Hvíta-Rússlandi, réðist inn í Úkraínu. Stríð hefur staðið yfir frá því í síðustu viku.

Rússland mun því ekki fá að taka þátt í umspilinu í mars fyrir HM í Katar. Þar átti liðið að mæta Póllandi og sigurliðið að leika gegn Tékklandi eða Svíþjóð um sæti á HM.

Þá mun kvennalandslið Rússlands að óbreyttu ekki fá að taka þátt í EM á Englandi í sumar.

Í apríl á íslenska kvennalandsliðið að spila útileik gegn Hvíta-Rússlandi í undankeppni HM. Íslenska karlalandsliðið er í riðli með Rússlandi í Þjóðadeildinni og var ráðgert að spila útileik í júní en heimaleik í september.

KSÍ sendi frá sér yfirlýsingu i dag þar sem tilkynnt var að stjórn sambandsins hefði ákveðið að íslensk landslið myndu ekki leika gegn landsliðum frá Rússlandi og ekki spila í Hvíta-Rússlandi.
Áður hafði FIFA verið með tillögu um að Rússland þyrfti að spila komandi leiki undir öðru nafni, án þjóðfána síns og á hlutlausum velli. Það var hinsvegar ekki endanleg ákvörðun og fékk slæm viðbrögð frá aðildarsamböndum.
FIFA og UEFA banna rússnesk lið (Staðfest)
Canon

Mynd: Getty Images

Höfuðstöðvar FIFA.

Höfuðstöðvar FIFA.

Canon

Mynd: EPA

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.