28.03.13 - 09:12
Hafliði Breiðfjörð
Rosie Sutton til ÍBV (Staðfest)
Sutton fagnar marki í leik gegn Sydney 17. nóvember síðastliðinn.
Mynd: Getty Images
Sutton fagnar marki í leik gegn Sydney 17. nóvember síðastliðinn.
Mynd: Getty Images
Kvennalið ÍBV hefur fengið liðsstyrk fyrir baráttuna í Pepsi-deild kvenna í sumar því ástralski framherjinn Rosie Sutton er gengin til liðs við félagið.
ÍBV vantaði framherja eftir að ljóst var að Kristín Erna Sigurlásdóttir missir af tímabilinu því hún sleit krossband í hné á dögunum.
Rosie Sutton er 23 ára gömul frá Brisbane í Queensland.
Hún lék með Perth Glory í heimalandi sínu, Ástralíu á síðustu leiktíð og skoraði fimm mörk í 11 leikjum fyrir félagið.
ÍBV leitar nú að frekar liðsstyrk fyrir sumarið en á vef félagsins kemur fram að félagið leitar að varnarmanni og sóknarmanni.
Liðið er þessa stundina í æfingaferð í Valencia á Spáni. Framherjinn Vesna Smiljkovic fór með í ferðina en Shaneka Gordon missir af ferðinni þar sem hún er ekki komin með atvinnu og dvalarleyfi.
Rosie Sutton er 23 ára gömul frá Brisbane í Queensland.
Hún lék með Perth Glory í heimalandi sínu, Ástralíu á síðustu leiktíð og skoraði fimm mörk í 11 leikjum fyrir félagið.
ÍBV leitar nú að frekar liðsstyrk fyrir sumarið en á vef félagsins kemur fram að félagið leitar að varnarmanni og sóknarmanni.
Liðið er þessa stundina í æfingaferð í Valencia á Spáni. Framherjinn Vesna Smiljkovic fór með í ferðina en Shaneka Gordon missir af ferðinni þar sem hún er ekki komin með atvinnu og dvalarleyfi.
Heimild: Vefur ÍBV
