Fotbolti.net
28.04.17 - 11:56
Hafliði Breiðfjörð

Víkingur Ó fær annan Spánverjann í dag (Staðfest)

Nacho Heras Anglada.

Nacho Heras Anglada.

Canon

Mynd: Víkingur Ólafsvík

Víkingur Ólafsvík var að senda frá sér tilkynningu þess efnis að félagið hafi fengið spænska varnarmanninn Nacho Heras til liðs við sig.

Hann er annar Spánverjinn sem gengur í raðir félagsins í dag en miðjumaðurinn Alonso Sanchez kom til félagsins fyrr í morgun.
Heras er varnarmaður, fæddur árið 1991 og hann lék seinast með U.P. Plasencia í heimalandinu. Þá hefur hann einnig spilað í Ungverjalandi auk þess sem hann var á mála hjá Espanyol á yngri árum.

Samkvæmt Transfermarkt er aðalstaða Heras hægri bakvörður en einnig getur hann leyst miðvörðinn.

Þar með eru fjórir Spánverjar hjá Víkingum í sumar. Fyrir voru markvörðurinn Cristian Martinez og varnarmaðurinn Aleix Egea.

Víkingar mæta Val í fyrstu umferð Pepsi-deildar karla klukkan 19:15 á sunnudaginn.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.