Carrick hefur engar áhyggjur af miðvarðamálum

Rauðu djöflarnir eru svo gott sem búnir að tryggja sér sæti í deildarkeppni Meistaradeildarinnar á næsta ári þökk sé Carrick eftir að hafa fengið 29 stig úr 13 leikjum með hann við stjórnvölinn.

Carrick fundaði með Sir Jim Ratcliffe fyrir 2-1 sigur gegn Brentford um helgina og er spenntur fyrir framtíð félagsins, þó hann viti ekki hver verður við stjórnvölinn í sumar.

„Ég er ekki að hugsa um sumarið og hvað gerist eftir tímabilið, ég er einbeittur að því að þjálfa liðið," sagði Carrick sem var svo spurður hvort liðinu vantaði nýja miðverði.

„Ég hef engar áhyggjur af miðvörðunum, við erum með frábæra blöndu af alvöru gæðum og bráðefnilegum leikmönnum. Ayden (Heaven) var stórkostlegur í mjög erfiðum leik en ég get ekki tjáð mig um leikmannamarkaðinn í sumar útaf því að ég veit sjálfur ekki hver áformin eru.

„Matthijs (De Ligt) er að vinna hörðum höndum að því að koma til baka úr meiðslum, hann er byrjaður að æfa á grasinu sem eru framfarir en ég veit ekki hvenær hann verður klár í slaginn. Við vonumst til að fá hann aftur sem fyrst.

„Licha (Martínez) hefur verið að missa af leikjum að undanförnu af ýmsum ástæðum, en ég hef engar áhyggjur."

TENGT EFNI27.04.26 - 22:12

Maguire lofsamar Carrick - „Úrslitin tala sínu máli“