Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fim 28. maí 2020 20:46
Sæbjörn Þór Þórbergsson Steinke
Maður í annarlegu ástandi lamdi Daníel og sparkaði í áttina að Adam
Aðeins farið að þynnast hjá einum.
Aðeins farið að þynnast hjá einum.
Mynd: Daníel Leó Grétarsson
Mynd: Daníel Leó Grétarsson
Hólmbert færður til bókar í leik með Stjörnunni.
Hólmbert færður til bókar í leik með Stjörnunni.
Mynd: Fótbolti.net - Ómar Vilhelmsson
Daníel Leó Grétarsson var í ítarlegu viðtali við Fótbolta.net í vikunni. Því var skipt upp í tvo hluta þar sem fyrri hlutinn snerist um tímann hjá Grindavík og innan vallar hjá Álasund. Í seinni hlutanum sagði Daníel svo frá lífinu með fjölskyldunni í Noregi, svaraði spurningum um landsliðið, framtíðarhugmyndum og íslenskum liðsfélögum.

Fyrri hluti: Daníel Leó hefur upplifað margt á ferlinum - Stigið á milli Riise og ljósmyndarans
Seinni hluti: Daníel: Ómeðvitað byrjaður að axla meiri ábyrgð á vellinum eftir að hann fæddist

Fréttaritari spurði Daníel hvort það væru einhverjar eftirminnilegar sögur af honum og íslensku liðsfélögunum sem hann hefur spilað með hjá Álasund. Daníel svaraði með fjórum skoplegum sögum sem fylgja hér að neðan.

Alls hefur hann verið með fjórum íslenskum leikmönnum í liði á sínum sex árum hjá norska félaginu. Í dag eru Íslendingarnir þrír hjá félaginu. Hólmbert Aron Friðjónsson og Davíð Kristján Ólafsson eru þar ásamt Daníel og áður voru þeir Aron Elís Þrándarson og Adam Örn Arnarson liðsfélagar Daníels.

Skipti um treyju í hálfleik en fór í ranga treyju
„Í einum leik í fyrrasumar var vel heitt á vellinum og í hálfleik ákveð ég að skipta um treyju. Leikurinn er svo flautaður á aftur og eftir tíu mínútur í seinni hálfleik byrjar allt í einu leikmaður í hinu liðinu að öskra á dómarann og biðja um gult spjald á mig og ég skildi ekkert í því. Þjálfarinn var svo fljótur að kalla mig að hliðarlínunni og hendir í mig annarri treyju. Þá var ég í treyju frá liðsfélaga mínum sem situr við hliðina á mér í klefanum."

Hólmbert yfirleitt í sviðsljósnu ef eitthvað fyndið gerist
„Ef eitthvað fyndið gerist innan liðsins þá er Hólmbert yfirleitt forsprakki þess. Í fyrra þegar við vorum að fagna því að hafa unnið deildina förum við upp á svið. Einn og einn leikmaður er kallaður upp og allir stuðningsmennirnir niðri á gólfi að klappa. Þegar Hólmbert er kallaður upp og þegar hann er kominn stígur hann eitthvað vitlaust, dettur fyrir aftan sviðið og grípur í eitthvað til að bjarga sér. Nema hvað að hann grípur í risa stóra skreytingu og rífur hana alla niður og liggur svo kylliflatur með allt ofan á sér."

Daníel laminn og sparkað í áttina að Adam - Vildi svo bara snus
„Árið 2017 förum við til Tromsö að keppa. Við förum daginn áður og erum á hóteli. Ég og Adam Örn vorum eitthvað svangir og ákváðum við að fara út í búð. Þegar við erum komnir í búðina labbar einhver maður að okkur og byrjar að blóta á norsku og við vitum ekkert hvað er í gangi. Allt í einu hendir hann einu höggi í andlitið á mér, Adam mætir að til að bakka mig upp og náunginn hoppar í eitt kung fu spark í átt að Adam."

„Við nenntum engu veseni þannig við bökkum lengra inní búðina og bíðum eftir að afgreiðslumaðurinn hringi í lögregluna því maðurinn var greinilega á einhverjum efnum. Hann tekur upp símann en um leið horfir maðurinn á hann með illum augum og afgreiðslumaðurinn sem var um það bil 16 ára þorir ekki öðru en að leggja símann frá sér. Maðurinn labbar síðan að kassanum, kaupir sér snus og lætur sig hverfa."


Snoðuðu sig allir á sama tíma
„Árið 2018 var komið að þeim tímapunkti hjá Aron Elís að raka hárið af því hárið var farið að þynnast full mikið. Á þeim tíma fórum við oftast allir saman í klippingu. Í stuðningi við Aron og til þess að gera þetta auðveldara ákveðum við allir að snoða okkur. Ég held að þetta hafi verið erfiðari ákvörðun fyrir Hólmbert og Adam heldur en nokkurn tímann Aron."
Athugasemdir
banner
banner
banner