Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 28. maí 2023 16:45
Jóhann Þór Hólmgrímsson
Svíþjóð: Valgeir með glæsilegt mark - Arnór Sig lagði upp
Valgeir Valgeirsson
Valgeir Valgeirsson
Mynd: Fótbolti.net - Hafliði Breiðfjörð

Valgeir Valgeirsson er að koma til baka eftir meiðsli en hann var í fyrsta sinn í byrjunarliði Örebro í í þrjá mánuði.


Hann kom liðinu yfir gegn Helsingborg í 9. umferð í næst efstu deild í Svíþjóð með stórkostlegu marki. Helsingborg jafnaði metin í seinni hálfleik og 1-1 urðu lokatölur.

Axel Andrésson var einnig í byrjunarliðinu og hinn 17 ára gamli Óli Sigurbjörn Melander sat á bekknum.

Örebro er með 10 stig eftir 9 leiki í 13. sæti.

Í efstu deild var Íslendingaslagur Kalmar og Norrköping. Davíð Kristján Ólafsson var í byrjunarliði Kalmar. Arnór Sigurðsson og Arnór Ingvi Traustason voru í byrjunarliði Norrköping og Andri Guðjohnsen kom inn á sem varamaður.

Kalmar vann leikinn 2-1 en Arnór Sig lagði upp mark Norrköping. Kalmar jafnaði Norrköping að stigum með sigrinum en liðin eru með 17 stig eftir 10 leiki í 5. og 6. sæti.


Athugasemdir
banner
banner
banner
banner
banner