Fotbolti.net
28.06.16 - 11:06
Magnús Már Einarsson

Saido Mane til Liverpool (Staðfest)

Mane við undirskrift.

Mane við undirskrift.

Canon

Mynd: Getty Images

Liverpool hefur keypt kantmanninn Saido Mane frá Southampton en félagið staðfesti þetta nú rétt í þessu.

Hinn 24 ára gamli Mane er búinn að standast læknisskoðun og skrifa undir hjá Liverpool.
Liverpool borgar 34 milljónir punda fyrir Mane en verðið getur hækkað upp í 36 milljónir punda síðar. Ef það gerist þá verður Mane dýrasti leikmaðurinn í sögu Liverpool en metið núna á Andy Carroll sem kostaði 35 milljónir punda.

„Í dag er stór dagur og ég er mjög ánægður með að skrifa undir hjá einu stærsta félagi í Evrópu,\" sagði Mane.

Mane er frá Senegal en hann hefur skorað 25 mörk í 75 leikjum með Southampton undanfarin tvö tímabil.

Mane er þriðji leikmaðurinn sem kemur til Liverpool í sumar á eftir markverðinum Loris Karius og varnarmanninum Joel Matip.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.