Spartak Trnava er búið að tryggja sér Birki Val Jónsson á sex mánaða lánssamningi frá HK. Félagið fær einnig forkaupsrétt á bakverðinum öfluga.
Skrifað verður undir í kvöld en hlutirnir hafa gerst hratt samkvæmt heimildum Fótbolta.net.
Skrifað verður undir í kvöld en hlutirnir hafa gerst hratt samkvæmt heimildum Fótbolta.net.
Trnava endaði í fjórða sæti í efstu deild í Slóvakíu á nýliðnu tímabili, sem lauk 17. júlí. Þar er ekkert sumarfrí því næsta leiktíð fer af stað í ágúst og er fyrsti leikur Trnava þann áttunda gegn Michalovice.
Birkir Valur er fæddur 1998 og hefur alla tíð spilað fyrir HK. Hann á 104 leiki að baki fyrir félagið eftir að hafa unnið sér inn byrjunarliðssæti í Inkasso-deildinni 2016.
Birkir á 27 leiki að baki fyrir yngri landslið Íslands, þar á meðal tvo fyrir U21 og tíu fyrir U19.
Athugasemdir
