Víkingur er Íslandsmeistari þetta árið en það er margt annað sem á eftir að ráðast í Bestu deild karla. Valsmenn geta gulltryggt annað sætið á meðan Keflavík þarf sigur til að eiga einhvern möguleika á að halda sér uppi.
Valur og Breiðablik mætast í efri hlutanum. Valsmenn þurfa aðeins eitt stig úr leiknum til að tryggja annað sætið, en liðið er með átta stiga forystu á Blika sem eru í þriðja sætinu.
Íslandsmeistarar Víkings fá FH í heimsókn í Víkina. FH-ingar eru í baráttu um Evrópusæti og tap í kvöld væri högg í þeirri baráttu, en FH-ingar eru í 5. sæti með 37 stig, jafn mörg og Stjarnan sem er í 4. sætinu og með betri markatölu.
Stjarnan mætir einmitt KR á sama tíma á Samsung-vellinum. KR-ingar þurfa sigur til að vera með í Evrópubaráttunni.
Í neðri hlutanum er Keflavík að fara í hreinan úrslitaleik um það hvort liðið ætli að bjarga sér frá falli eða ekki. Liðið er á botninum með 15 stig, en það mætir Fram, sem er í 10. sætinu og með 21 stig.
Ef Keflavík tapar þá er von þeirra svo gott sem úti.
Leikir dagsins:
Besta-deild karla - Efri hluti
19:15 Stjarnan-KR (Samsungvöllurinn)
19:15 Víkingur R.-FH (Víkingsvöllur)
19:15 Valur-Breiðablik (Origo völlurinn)
Besta-deild karla - Neðri hluti
16:15 KA-ÍBV (Greifavöllurinn)
19:15 HK-Fylkir (Kórinn)
19:15 Fram-Keflavík (Framvöllur)
Besta-deild karla - Efri hluti
Lið | L | U | J | T | Mörk | mun | Stig |
---|---|---|---|---|---|---|---|
1. Víkingur R. | 27 | 21 | 3 | 3 | 76 - 30 | +46 | 66 |
2. Valur | 27 | 17 | 4 | 6 | 66 - 35 | +31 | 55 |
3. Stjarnan | 27 | 14 | 4 | 9 | 55 - 29 | +26 | 46 |
4. Breiðablik | 27 | 12 | 5 | 10 | 52 - 49 | +3 | 41 |
5. FH | 27 | 12 | 4 | 11 | 49 - 54 | -5 | 40 |
6. KR | 27 | 10 | 7 | 10 | 38 - 48 | -10 | 37 |
Besta-deild karla - Neðri hluti
Lið | L | U | J | T | Mörk | mun | Stig |
---|---|---|---|---|---|---|---|
1. KA | 27 | 12 | 5 | 10 | 42 - 45 | -3 | 41 |
2. Fylkir | 27 | 7 | 8 | 12 | 43 - 55 | -12 | 29 |
3. HK | 27 | 6 | 9 | 12 | 41 - 55 | -14 | 27 |
4. Fram | 27 | 7 | 6 | 14 | 40 - 56 | -16 | 27 |
5. ÍBV | 27 | 6 | 7 | 14 | 31 - 50 | -19 | 25 |
6. Keflavík | 27 | 2 | 10 | 15 | 27 - 54 | -27 | 16 |
Athugasemdir