28.10.16
Rúnar Kri: Sama þótt ég tæki við af Ferguson eða Mourinho
MAGNÚS MÁR EINARSSON
Rúnar segir að samningaviðræðurnar hafi gengið hratt fyrir sig. „Við gengum frá öllum samningum um leið og ég kom. Við gengum frá þessu strax í gær en þurftum að bíða þangað til í dag með að klára pappírsvinnu og skrifa undir. Það var gert fyrir hádegi og í kjölfarið var blaðamannafundur.\"
Hefur áður fengið fyrirspurnir frá Lokeren
Rúnar var rekinn frá norska félaginu Lilleström fyrir rúmum mánuði en hann var ekki lengi án starfs. Rúnar segist ekki hafa búist við að fá nýtt starf svo fljótt.
„Maður átti ekki von á því en hlutirnir eru fljótir að breytast í þessum fótboltaheimi. Þegar einar dyr lokast þá opnast einhverjar aðrar. Ég hef verið viðloðandi þennan klúbb í mörg ár og hef fengið fyrirspurnir frá Lokeren áður. Þá ekki um að vera aðalþjálfari heldur þjálfa varaliðið og annað slíkt. Maður hefur átt góð samskipti við þá og vissi hvernig staðan væri.\"

Rúnar á fréttamannafundi hjá Lokeren í dag.
Mynd: Kristján Bernburg
„Auðvitað vonaði maður ekki að liðið myndi tapa og þjálfarinn yrði rekinn en hlutirnir eru fljótir að gerast. Það er mín lukka að annar maður var rekinn en það var líka lukka fyrir annan mann að ég var rekinn frá Lilleström. Svona er þetta í fótboltanum, þetta er harður heimur og líftíminn er ekki langur.\"
Sama þótt fyrrum þjálfari hefði verið Ferguson eða Mourinho
Rúnar spilaði með Lokeren frá 2000 til 2007 og þekkir því vel til hjá félaginu. „Kóngurinn er kominn aftur\" skrifaði Lokeren á Twitter þegar Rúnar var kynntur í morgun.
„Ég er ekki búinn að hitta alla stuðningsmenina en maður heyrir að það eru margir glaðir og það er góðs viti. Það er kannski ástæðan fyrir því að maður er hérna. Maður sáði fræum og fékk hrós fyrir það sem maður var að gera. Menn voru ánægðir með mig sem leikmann á sínum tíma og það telur í dag,\" sagði Rúnar sem hefur fylgst með sínu gamla félagi í gegnum árin.
„Ég hef alltaf fylgst með Lokeren og hverjir eru þjálfarar. Það er erfiðara að fylgjast með leikmannahópnum því hann breytist hratt. Ég hef reynt að horfa á einn og einn leik undanfarið.\"

„Auðvitað vonaði maður ekki að liðið myndi tapa og þjálfarinn yrði rekinn en hlutirnir eru fljótir að gerast. Það er mín lukka að annar maður var rekinn en það var líka lukka fyrir annan mann að ég var rekinn frá Lilleström.
Mynd: Kristján Bernburg
„Það er fullt af hlutum sem þarf að laga og það er það hjá öllum fótboltaliðum. Það er sama hvort ég hefði verið að taka við af Ferguson, Mourinho eða einhverjum litlum þjálfara þá er alltaf eitthvað sem hægt er að bæta, breyta og laga. Þú vilt aðlaga hlutina að þinni hugmyndafræði og gera þetta á þinn hátt.\"
„Maður gerir það ekki bara í dag og á morgun. Ég þarf næstu vikur til að gera smávægilegar breytingar og svo sjáum hvort þær heppnist og gangi upp. Maður verður að standa og falla með því.\"
Stefndi alltaf á að þjálfa erlendis
Rúnar segist hafa ákveðið snemma á þjálfaraferlinum að hann vildi starfa á erlendri grundu. Hann er nú að fara inn í sitt annað þjálfarastarf erlendis.

,,Það er sama hvort ég hefði verið að taka við af Ferguson, Mourinho eða einhverjum litlum þjálfara þá er alltaf eitthvað sem hægt er að bæta, breyta og laga.
Mynd: Ingólfur Hannes Leósson
„Ég tel mig hafa tekið gott skref með því að fara til Lilleström. Maður þarf ekki alltaf að taka stór skref, það er oft betra að taka lítil skref. Ég er búinn að læra fullt á að vera þar og tek það með mér hingað. Ég gerði fullt af mistökum en líka fullt af góðum hlutum. Maður lærir alla tíð en á endanum er maður dæmdur á úrslitum. Ef úrslitin ganga ekki og við sigrum ekki leiki þá eru menn fljótir að rísa upp á afturfæturnar og gefa manni sparkið.\"
Markmiðið að komast inn í topp tíu
Lokeren er í 13. sæti af 16 liðum í belgísku úrvalsdeildinni en Rúnar er bjartsýnn á að geta rifið liðið upp töfluna.
„Eftir að hafa rætt við Arnar, aðstoðarmennina hér og þá sem stjórna klúbbnum þá finnst öllum liðið vera betra en það hefur sýnt. Það eru einstaka punktar sem við þurfum að vinna í og laga. Markmið okkar núna er að gera það. Ég hef fulla trú á sjálfum mér að geta snúið þessu við og ég hef metnað fyrir því að gera vel og koma liðinu ofar í töflunni. Fyrsta verk er að komast úr fallbaráttunni og í miðja deild. Við viljum fara inn í topp tíu, það er markmiðið,\" sagði Rúnar að lokum.

,,Ég gerði fullt af mistökum en líka fullt af góðum hlutum. Maður lærir alla tíð en á endanum er maður dæmdur á úrslitum. Ef úrslitin ganga ekki og við sigrum ekki leiki þá eru menn fljótir að rísa upp á afturfæturnar og gefa manni sparkið.
Mynd: Fótbolti.net - Hafliði Breiðfjörð

,,2010 tók ég við KR út keppnistímabilið og ætlaði að sjá hvernig mér myndi líka starfið. Eftir það tímabil ákvað ég að gera þetta á fullu og fór að sækja mér Pro licence sem er æðsta gráðan í þjálfun. Ástæðan fyrir því að vildi gera þetta er að ég vildi komast út. Ég vildi þjálfa fyrst á Íslandi í nokkur ár og eiga möguleika á að komast að erlendis ef það myndi ganga vel og gera þetta að framtíðarstarfi.
Mynd: Fótbolti.net - Hafliði Breiðfjörð

,,Ég hef fulla trú á sjálfum mér að geta snúið þessu við og ég hef metnað fyrir því að gera vel og koma liðinu ofar í töflunni. Fyrsta verk er að komast úr fallbaráttunni og í miðja deild. Við viljum fara inn í topp tíu, það er markmiðið.
Mynd: Fótbolti.net - Hafliði Breiðfjörð

