Chorley, sem leikur í sjöttu efstu deild (National League North), hafði betur gegn Peterborough í dag, 2-1. Peterborough er í þriðju efstu deild og því var þetta mjög óvæntur sigur.

Ensku úrvalsdeildarfélögin koma inn í bikarinn í þriðju umferð. Chorley gæti því mætt Manchester United eða Liverpool í næstu umferð keppninnar.

Það var auðvitað vel fagnað inn í búningsklefa Chorley eftir leik. Leikmennirnir tóku af einhverri ástæðu lag eftir bresku söngkonuna Adele, lagið Someone Like You. Þetta virðist vera orðin hefð því leikmennirnir tóku einnig sama lag eftir annan óvæntan sigur í 2. umferð keppninnar gegn Wigan.