Bjarki Björn Gunnarsson - ÍBV
Bjarki Björn fer vel af stað í Bestu deildinni.
„Bjarki Björn var besti maður vallarins í dag. Hann er í hlutverki sem hentar honum gríðarlega vel og er bara frábær leikmaður," sagði Þorlákur Árnason, þjálfari ÍBV, eftir 3-2 útisigur Eyjamanna gegn Stjörnunni í Garðabænum í gær.
Talað var um í Innkastinu að Bjarki Björn væri mjög vanmetinn leikmaður en hann er aðra umferðina í röð í liði umferðarinnar og þá er hann núna Sterkasti leikmaður umferðarinnar, í boði Steypustöðvarinnar.
Talað var um í Innkastinu að Bjarki Björn væri mjög vanmetinn leikmaður en hann er aðra umferðina í röð í liði umferðarinnar og þá er hann núna Sterkasti leikmaður umferðarinnar, í boði Steypustöðvarinnar.
Lestu um leikinn: Stjarnan 2 - 3 ÍBV
Bjarki, sem er 24 ára gamall, lék á láni í Vestmannaeyjum frá Víkingi Reykjavík 2023 og 2024 en Eyjamenn keyptu hann alfarið í vetur og hann skrifaði undir þriggja ára samning.
Bjarki Björn lék listir sínar og fór illa með Stjörnumenn í gær. Hann hefur sýnt að hann kann að skora glæsimörk og gerði eitt slíkt í leiknum, skot sem fór í slá og inn.
„Arnór (Ingi Kristinsson) tíaði boltann upp fyrir mig og það var lítið annað í stöðunni en að smella honum í fjær. Maður átti nokkur góð í Lengjunni í fyrra og maður þarf að sýna sig líka í Bestu deildinni," sagði Bjarki Björn eftir leik.
Leikmenn umferðarinnar:
3. umferð - Jónatan Ingi Jónsson (Valur)
2. umferð - Guðmundur Magnússon (Fram)
1. umferð - Rúnar Már Sigurjónsson (ÍA)
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 7 | 5 | 1 | 1 | 13 - 9 | +4 | 16 |
| 2. Víkingur R. | 7 | 4 | 2 | 1 | 15 - 7 | +8 | 14 |
| 3. Vestri | 7 | 4 | 1 | 2 | 8 - 3 | +5 | 13 |
| 4. KR | 7 | 2 | 4 | 1 | 22 - 15 | +7 | 10 |
| 5. Stjarnan | 7 | 3 | 1 | 3 | 11 - 12 | -1 | 10 |
| 6. Afturelding | 7 | 3 | 1 | 3 | 8 - 10 | -2 | 10 |
| 7. Valur | 7 | 2 | 3 | 2 | 15 - 12 | +3 | 9 |
| 8. Fram | 7 | 3 | 0 | 4 | 11 - 11 | 0 | 9 |
| 9. ÍBV | 7 | 2 | 2 | 3 | 7 - 11 | -4 | 8 |
| 10. FH | 7 | 2 | 1 | 4 | 12 - 12 | 0 | 7 |
| 11. ÍA | 7 | 2 | 0 | 5 | 7 - 18 | -11 | 6 |
| 12. KA | 7 | 1 | 2 | 4 | 6 - 15 | -9 | 5 |
Athugasemdir
