Sjáðu umdeildan vítadóm í Sandgerði - „Versta ákvörðun dómara sem ég hef orðið vitni að“

Auglýsing

Frá atvikinu umdeilda.

Mynd: Skjáskot

„Hann dæmir víti og hann veit ekkert hvað gerðist.“

Mynd: Fótbolti.net - Hafliði Breiðfjörð

Frá leik Ýmis og Aftureldingar í vor.

Mynd: Helgi Þór Gunnarsson

Frá atvikinu umdeilda.

Mynd: Skjáskot

Það var vægast sagt áhugaverður vítaspyrnudómur í 3. deildinni í gær er Reynir Sandgerði tók á móti Ými.

Um miðbik síðari hálfleiks, í stöðunni 1–2 fyrir Ými, var dæmd vítaspyrna á Ými eftir að Arnar Máni Ingimundarson handlék boltann í eigin teig eftir sendingu markvarðarins Björns Mikaels Karelssonar.

Ýmismenn tóku illa í dómin og ítrekuðu fyrir Milan Djurovic, dómara leiksins, að markvörðurinn hafi gefið boltann, sem var á ferð, á varnarmanninn svo að hann gæti tekið markspyrnuna.

Ingólfur Sigurðsson skoraði úr vítaspyrnunni og jafnaði metin í 2-2 og þar við sat. Reynir er í 4. sæti með 17 stig en Ýmir er í 7. sæti með 12 stig.

Fótbolti.net ræddi við Þórhall Dan Jóhannsson, þjálfara Ýmis, og spurði hann út í dóminn.

„Ég hugsaði mikið um þetta í gær og það voru margar hugsanir sem komu upp, sem voru um að eitthvað óheiðarlegt hafi verið með í ráðum í þessum dómi. Ég ætla svo sem ekki að saka neinn um það, ég hef alltaf þá trú að allir séu að reyna að gera sitt besta en það var svo sannarlega ekki raunin í gær. Kannski var þetta slæmur dagur hjá blessuðum manninum,“ segir Tóti og segir ákvörðunina þá verstu sem hann hefur séð á sínum fjögurra áratuga ferli.

„Ég hef verið viðriðinn fótbolta í rúm 40 ár. Þetta er versta ákvörðun dómara sem ég hef orðið vitni að. Hann dæmir víti og veit ekkert hvað gerðist. Hann er að dæma víti af því að hann heldur að markmaðurinn hafi stöðvað boltann.“

Að sögn Þórhalls hafði miðvörðurinn tekið markspyrnur liðsins allan leikinn. „Aðstoðardómarinn var alveg grunlaus um það hvað aðaldómari var að dæma á þegar ég spurði hann. Mér þótti þetta mjög sérstakt og ég hélt að hann myndi snúa þessu þegar hann var búinn að tala við aðstoðardómarann, því greinilega vissi hann ekkert um hvað málið snérist frekar en þessi blessaði aðaldómari.“

„Mér finnst að dómaranefnd KSÍ ætti að sýna Ými þann sóma að þessi dómari dæmi ekki fleiri leiki hjá Ými. En hvað svo verður, verður bara að koma í ljós,“ segir Þórhallur að lokum.

„Hann dæmir víti og hann veit ekkert hvað gerðist.“

Mynd: Fótbolti.net - Hafliði Breiðfjörð

Frá leik Ýmis og Aftureldingar í vor.

Mynd: Helgi Þór Gunnarsson

Stöðutafla

#	Lið	L	mun	Stig
1	Tindastóll	10	+12	22
2	Víðir	10	+11	22
3	KH	10	+17	21
4	Reynir S.	10	+2	17
5	KV	10	-4	15
6	KF	10	0	13
7	Ýmir	10	-3	12
8	Höttur	10	-1	11
9	Augnablik	10	-2	11
10	KÁ	10	-7	10
11	Sindri	10	-13	8
12	Árbær	10	-12	5