Valur hefur fengið framherjann Kasper Högh á láni frá danska félaginu Randers. Lánssamningurinn gildir út tímabilið.
„Valur kynnir nýjan og öflugan leikmann sem gengur í raðir félagins þegar félagaskiptaglugginn opnar í byrjun ágúst," segir á Facebook síðu Vals.
Kasper hefur leikið 10 leiki í Superligaen í Danmörku auk þess að hafa leikið fyrir U18 og U19 ára landslið Danmerkur.
Kasper hefur raðað inn mörkum fyrir U19 ára lið Randers og skorað 48 mörk í 47 leikjum. Hann skrifaði undir fimm ára atvinnumannasamning við Randers sumarið 2019.
Félagaskiptaglugginn á Íslandi opnar 5. ágúst en sama dag mætir Val FH í Pepsi Max-deildinni.
Patrick Pedersen, framherji Vals, hefur misst af síðustu tveimur leikjum vegna meiðsla í baki en búist er við að hann verði klár á ný gegn ÍA í Mjólkurbikarnum á föstudaginn.
Draumaliðsdeild Eyjabita
Kasper er mættur í Draumaliðsdeild Eyjabita. Kemst hann í þitt lið?
Athugasemdir