Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

þri 29. júlí 2025 19:30

Ívan Guðjón Baldursson

Dóri Árna: Tökum þessum leik mjög alvarlega

Vonast til að leikmenn dragi lærdóm gegn pólsku meisturunum.

Mynd: Fótbolti.net - Hafliði Breiðfjörð

Aron Bjarnason verður í hóp á morgun. Hann hefur ekki verið greindur með kviðslit.

Mynd: Fótbolti.net - Hafliði Breiðfjörð

Breiðablik tekur á móti Lech Poznan í seinni leik liðanna í forkeppni Meistaradeildarinnar annað kvöld.

Blikar eiga ekki raunhæfa möguleika á að komast áfram eftir stórt sex marka tap í fyrri leiknum. Halldór Árnason þjálfari býst við mjög erfiðum heimaleik þar sem hann telur að gestirnir frá Póllandi muni mæta grimmir til leiks og ekki gefa neitt eftir.

„Það sem er búið er búið. Það eru forréttindi að taka þátt í leik í forkeppni Meistaradeildarinnar gegn evrópsku stórliði hérna á Kópavogsvelli. Það eru mikil tækifæri fyrir okkur að nota leikinn til að æfa okkur og verða betri, að æfa okkur að spila á móti liðum í þessum gæðaflokki. Við tökum þessum leik mjög alvarlega," segir Dóri fyrir seinni leikinn.

„Þeir eru með það sterka 18-20 menn að þó þeir geri einhverjar breytingar þá veikir það liðið mjög lítið. Það verða kannski áherslubreytingar frekar en að liðið sé veikara. Þeir munu mæta með mjög sterkt lið og ætla sér sigur, það er klárt. Þeir fóru svolítið brösulega af stað á tímabilinu og þeim finnst þeir enn hafa margt að sanna líka. Leikurinn þeirra gegn okkur var kannski sá mest sannfærandi hingað til og þeir munu reyna að nýta sér það til að koma hingað og eiga góðan leik. Ég held að þeir taki þessu mjög alvarlega og mæti með sterkt lið."

Dóri segir að það sé lítið mál að gíra leikmenn upp í seinni leikinn þrátt fyrir stórt tap í Póllandi. Hann segir að markmiðið sé að æfa sig og draga lærdóm af því að spila gegn svona sterkum andstæðingum.

„Við erum ekki að fara inn í þennan leik til að vinna hann 7-0, það væri mjög skrýtin nálgun af minni hálfu að ætla að selja mönnum það að vinna pólsku meistarana með sjö mörkum. Það er ekki markmiðið."

Dóri talaði svo um meiðsli þar sem hann sagði Aron Bjarnason ekki hafa verið greindan með kviðslit þó hann sé búinn að eiga í vandræðum með nárann í sumar. Hann verður í hóp á morgun.

Davíð Ingvarsson og Anton Logi Lúðvíksson verða hins vegar ekki með. Davíð er hægt og rólega að koma til baka eftir sín meiðsli á meðan Anton Logi meiddist smávægilega á nára í jafntefli gegn KR um helgina.

Breiðablik mun detta niður í forkeppni Evrópudeildarinnar og spila þar annað hvort við Slovan Bratislava eða Zrinjski Mostar.

Blikar steinlágu gegn Zrinjski þegar liðin mættust í forkeppni Evrópudeildarinnar fyrir tveimur árum síðan, 6-3 samanlagt.