Fotbolti.net
29.09.21 - 11:03
Sæbjörn Þór Þórbergsson Steinke

Halli Björns hjá Stjörnunni næstu þrjú árin (Staðfest)

Halli Björns hjá Stjörnunni næstu þrjú árin (Staðfest)
Canon

Mynd: Fótbolti.net - Hafliði Breiðfjörð

Haraldur Björnsson hefur framlengt samning sinn við Stjörnuna til næstu þriggja ára. Þetta kemur fram á Facebook-síðu Stjörnunnar.

Halli, eins og hann er oftast kallaður, hefur verið aðalmarkvörður Stjörnunnar síðustu ár en hann gekk í raðir félagsins frá norska félaginu Lilleström árið 2017.
Halli er 32 ára gamall og varð bikarmeistari með Stjörnunni árið 2018.

Hann lék á sínum tíma 19 leiki fyrir U21 landsliðið og á einn A-landsleik að baki. Árið 2011 varði Halli mark U21 landsliðsins í lokakeppni EM.

,„Það er geggjað að vera í Garðabænum, Stjarnan er mitt lið og hér hefur mér liðið frábærlega og allt umhverfið er mjög professional og ég veit að liðið á mikið inni með öllum þeim fjölda ungra leikmanna sem eru að koma upp í takt við frábæran kjarna og mjög góða umgjörð. Við munum koma sterkir inní næstu tímabil eftir smá bras á þessu og við erum með stóran og öflugan hóp sem hefur mikinn metnað til að ná lengra, ásamt því að eiga bestu stuðningsmenn landsins," sagði Halli við undirskrift.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.