Fotbolti.net
29.09.21 - 15:08
Elvar Geir Magnússon

Vestri mætir Víkingi á Meistaravöllum (Staðfest)

Vestri getur ekki spilað á heimavelli sínum.

Vestri getur ekki spilað á heimavelli sínum.

Canon

Mynd: Fótbolti.net - Jónína Guðjörg Guðbjartsdóttir

Mjólkurbikarinn
Ljóst er að Vestri getur ekki leikið undanúrslitaleikinn gegn Víkingi í Mjólkurbikarnum á heimavelli sínum á Ísafirði.

Leikurinn hefur því verið færður á hlutlausan völl og verður spilaður á Meistaravöllum, heimavelli KR. Samúel Samúelsson hjá Vestra staðfesti þetta í samtali við Fótbolta.net.

Leiktíminn heldur sér, 14:30 á laugardaginn.
Veðuraðstæður fyrir vestan hafa verið erfiðar og ljóst að ekki næst að gera Olísvöllinn á Ísafirði leikhæfan.

Vestri neyðist því til að spila leikinn á hlutlausum velli. Liðið leikur í Lengjudeildinni en hefur komið skemmtilega á óvart í bikarnum með því að vinna Íslandsmeistara síðasta árs, Valsmenn, í 8-liða úrslitum.

Nú mun Vestri leika gegn nýkrýndum Íslandsmeisturum Víkings en sigurliðið mun svo mæta sigurvegaranum úr leik ÍA og Keflavíkur í bikarúrslitaleiknum á Laugardalsvelli.

KR-ingar munu halda með Víkingi í leiknum í Vesturbænum á laugardag þar sem þeir komast í Evrópukeppni ef Víkingur fer alla leið og vinnur bikarinn.

Lið Vestra undirbýr sig fyrir leikinn með því að æfa á höfuðborgarsvæðinu.
Frá Ísafirði þar sem vetrarveður ríkir.

Frá Ísafirði þar sem vetrarveður ríkir.

Canon

Mynd: Jón Hálfdán Pétursson / Vestri

Leikið verður á Meistaravöllum.

Leikið verður á Meistaravöllum.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.