Hörður Björgvin Magnússon var í byrjunarliði CSKA Moskvu sem heimsótti Rubin Kazan í rússneska boltanum í dag.

Arnór Sigurðsson byrjaði á bekknum en var skipt inn á 58. mínútu, rétt áður en Djordje Despotovic kom Rubin Kazan yfir með skalla eftir aukaspyrnu.

Arnóri tókst ekki að bjarga CSKA og urðu lokatölur 1-0. CSKA er því búið að missa toppsætið til Zenit frá Pétursborg, liðin eru jöfn á stigum með 32 stig eftir 16 umferðir.