Eggert Aron Guðmundsson, leikmaður Stjörnunnar, er að spila með U19 ára liði FCK á skandinavísku móti á Marbella á Spáni. Hann lék með liðinu í fyrsta leiknum á mótinu í gær.
Eggert, sem er 17 ára gamall, átti gott tímabil með Stjörnumönnum í sumar og þykir með efnilegustu leikmönnum landsins.
Hann æfði með aðalliði FCK fyrr í þessum mánuði og er nú með U19 ára liðinu á Marbella á Spáni.
Liðið tekur þátt í skandinavísku móti og spilaði þann í 3-2 sigri á Álasundi. Hann spilaði iðulega á miðju en vængnum en var settur í hægri bakvörðinn í dag.
Orri Steinn Óskarsson skoraði eitt og lagði upp eitt í leiknum en næsti leikur liðsins er gegn danska liðinu Esbjerg á miðvikudaginn.
Athugasemdir
