Fotbolti.net
30.01.22 - 17:38
Brynjar Ingi Erluson

Juventus lánar Ihattaren til Ajax (Staðfest)

Mohamed Ihattaren er kominn aftur til Hollands

Mohamed Ihattaren er kominn aftur til Hollands

Canon

Mynd: Juventus

Hollenska meistaraliðið Ajax er að styrkja sig á síðustu metrum gluggans en Mohamed Ihattaren er kominn á láni frá Juventus.
Ihattaren er 19 ára gamall sóknartengiliður og uppalinn hjá erkifjendum Ajax í PSV.

Hann brenndi allar brýr að baki sér hjá PSV vegna viðhorfsvandamáls og var látinn fara á síðasta ári en hann samdi þá við Juventus og var lánaður til Sampdoria í kjölfarið.

Ihattaren kom sér ekki í gang hjá Sampdoria og endaði það á svipuðum nótum og hjá PSV. Hann segir að félagið hafi brotið loforð og þá ekki fengið borgað og snéri því aftur til Juventus.

Hann snýr nú aftur í hollensku deildina á láni út tímabilið og varð Ajax fyrir valinu. Það verður því mjög fróðlegt að sjá hvort Erik ten Hag takist að koma honum á beinu brautina.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.