Ariela Lewis með verðlaunin.
Keflavík skoraði átta mörk og Ariela gerði fjögur þeirra.
„Að vera leikmaður umferðarinnar skiptir mig miklu máli. Takk fyrir," segir Ariela Lewis, sóknarmaður Keflavíkur, sem er leikmaður umferðarinnar í Mjólkurbikar kvenna. Hún kom á skrifstofu Fótbolta.net í dag og tók við viðurkenningu þess efnis í formi Hleðslu frá Mjólkursamsölunni.
Ariela gerði sér lítið fyrir og skoraði fjögur mörk þegar Keflavík vann 8-3 sigur á KÞ og kom sér þannig inn í 16-liða úrslitin.
Ariela gerði sér lítið fyrir og skoraði fjögur mörk þegar Keflavík vann 8-3 sigur á KÞ og kom sér þannig inn í 16-liða úrslitin.
Þetta er klárlega sigur sem Keflavík getur tekið með sér inn í Lengjudeildina sem fer senn að hefjast. „Alveg klárlega. Fyrsti leikurinn okkar er 2. maí gegn Tindastóli og við getum tekið þetta með okkur. Vonandi get ég gert það sama þar."
„Samkeppnin verður mikil en ég hef mikla trú á liðinu okkar. Við höfum undirbúið okkur mikið og ég er mjög ánægð að vera áfram hluti af liðinu."
Hver vill ekki geta sagt það?
Ariela hefur spilað á Íslandi frá 2022 þegar hún gekk í raðir Gróttu. Hún fór svo í Aftureldingu en hefur leikið með Keflavík frá 2024.
Ariela á það líka á ferilskránni að hafa keppt ásamt tvíburasystur sinni um 570 milljónir króna í Squid Game raunveruleikaþætti á Netflix.
„Í fríinu var ég að horfa á sjónvarpsþátt og það var spurt hvort þú gætir unnið 4,56 milljónir dollara? Ég hugsaði að ég gæti það, sótti um og var valin. Þetta var klárlega reynsla og ég get sagt að ég hafi verið í Netflix þætti. Hver vill ekki geta sagt það? Þetta var klárlega áhugavert en ég veit ekki hvort ég muni taka þátt í raunuveruleikasjónvarpi aftur," sagði Ariela og hló en hún vann því miður ekki allar þessar milljónir.
Allt viðtalið er hægt að sjá í spilaranum hér að ofan en þar ræðir Ariela meðal annars líka um sumarið sem er framundan hjá Keflvíkingum.
