KA fékk í vetur varnarmanninn Mikkel Qvist á láni frá Horsens í Danmörku.
Hinn 26 ára gamli Qvist hefur mest spilað sem vinstri bakvörður hjá Horsens en hjá KA verður hann miðvörður.
Spurningamerki hafa verið sett við Qvist á undirbúningstímabilinu, en eitt er ljóst að hann getur kastað alveg rosalega inn á völlinn. Sævar Pétursson, framkvæmdastjóri KA, talaði um það í viðtali við útvarpsþáttinn Fótbolta.net fyrr á þessu ári.
„Við vorum að leita að örvfættum hafsent sem er með fína reynslu. Hann er á flottum aldri og sterkur í föstum leikatriðum. Hann er með ein svakalegustu innköst sem ég hef séð," sagði Sævar.
Sjá einnig:
Innkastaþjálfari Liverpool talar vel um nýjan leikmann KA
Hér að neðan má sjá Qvist kasta inn í æfingaleik KA og Fylkis sem núna stendur yfir.
Þessi innköst eru galin!! #fotboltinet pic.twitter.com/QBMPLx10cd
— Birkir Örn Pétursson (@birkirp) May 30, 2020
Athugasemdir