Fotbolti.net
30.05.22 - 22:04
Ívan Guðjón Baldursson

Dortmund fær Marcel Lotka frá Berlín (Staðfest)

Dortmund fær Marcel Lotka frá Berlín (Staðfest)
Canon

Mynd: Getty Images

Borussia Dortmund er búið að krækja í markvörðinn Marcel Lotka á frjálsri sölu frá Hertha Berlin.

Hertha fær aðeins prósentuhlutfall af endursölu á leikmanninum fyrir að hafa alið hann upp.

Lotka er 21 árs gamall og á 22 leiki að baki fyrir yngri landslið Pólverja. Hann hafði ekki fengið tækifæri í þýsku deildinni fyrr en í vor þegar hann reyndist einn af bestu leikmönnum Hertha í fallbaráttunni á lokakafla tímabilsins.

Hjá Dortmund mun hann berjast við Gregor Kobel um byrjunarliðssæti, en Kobel var ekki lengi að taka sætið af Roman Bürki þegar hann gekk til liðs við félagið.

Lotka er fimmti leikmaðurinn sem gengur til liðs við Dortmund í sumar. Hinir fjórir eru Karim Adeyemi, Nico Schlotterbeck, Jayden Braaf og Salih Özcan.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.