Fotbolti.net
30.06.16 - 08:21
Arnar Geir Halldórsson

Jose Antonio Reyes til Espanyol (Staðfest)

Yfirgefur uppeldisfélagið í annað sinn á ferlinum

Yfirgefur uppeldisfélagið í annað sinn á ferlinum

Canon

Mynd: Getty Images

Spænski kantmaðurinn Jose Antonio Reyes er genginn til liðs við spænska úrvalsdeildarfélagið Espanyol frá Evrópudeildarmeisturum Sevilla.
Þessi 32 ára gamli reynslubolti gerir tveggja ára samning við Espanyol en samningur hans við Sevilla var á enda runninn.

Reyes hefur leikið fyrir Arsenal, Real Madrid, Atletico Madrid og Benfica á farsælum ferli auk þess sem hann hefur leikið 21 landsleik fyrir Spánverja.

Hann er annar leikmaðurinn sem gengur til liðs við Espanyol í sumar en áður hafði liðið samið við markvörðinn Roberto sem lék með Olympiacos á síðustu leiktíð.

Quique Sanchez Flores tók við stjórnartaumunum hjá Espanyol á dögunum en hann stýrði Watford í ensku úrvalsdeildinni á síðustu leiktíð.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.